Bridgekvelden då alt gjekk gale………….
Av Kenneth Skov

Eg allierte meg med  Frode Sørdal, og reiste til Måløy for å spele Poenghøsten sist tirsdag. Det begynte ikkje så aller verst, i det første spelet var eg den einaste i salen som klarte å få 11 stikk etter å ha skvist vest i hjerter og ruter. Det var berre et lite problem, kontrakta var 6 NT…..

Det fortsatte over all forventning, til ei forandring var det motparten som gjorde feila ein periode. Så dukka dette spelet opp:

Etter eit meldingsforløp som var som tatt rett ut av den store vranglæreboka, var eg igjen plassert i favorittkontrakta 6 NT. Denne gangen i øst. Hjerterfargen blei ikkje ein gang nemnt! Syd tenkte seg litt om, vrei seg litt i stolen, og valgte etterkvart å spele ut hjerter 7! Ikkje hjerter 5, men hjerter 7! Alle kan sjå at både bestemora mi frå Skjåk og tanta mi frå Lom hadde tatt sine 12 stikk utan å bruke tid på det. Eg begjekk ei av kardinalsyndene i bridge, eg begynte å tenke. Kva var det luringen hadde spelt ut i frå??? På spørsmål om kva slags utspel dei brukte, sa syd at dei ikkje nokre spesielle avtalar. Etter den forklaringa burde eg instinktivt ha avslutta alle tankeprosessar, og berre bedt om ein liten hjerter i bordet. Men eg klarte ikkje å fri meg frå tanken på at han hadde spelt ut ifrå ein firekortsfarge. Fornuften min tilsa då at han ikkje kunne ha KQxx, då ville han ha spelt ut kongen. Ergo så har nord singel hjerter dame eller konge. Forventningsfullt bad eg om esset i bordet, men den hyggelige dama i nord hadde kun åtta å bidra med.

Jaja, tenkte eg, då var det dødfødt frå start. Nord måtte ha KQx i hjerter. Det enda med ei beit, og eg var ganske lang i maska då eg fann ut korleis hjerteren egentlig sat. Makker sa smilande: ”Der tenkte du for mykje makker”. Snakk om å bli finta ut av utspelet! Scoringsforma var Imp across the field, og sidan det var kun eit anna par som hadde meldt og vunne slem i salen, så svinga dette ca 200 poeng. Det svinga 5 plassar.

Med hengande geip gikk eg til neste bord, der første spelet var relativt smertefritt for vår del. Det var til gjengjeld ikkje det andre:

Eg satt Øst på dette spelet. Syd fann ut at han hadde nok punkter til å åpne, og valgte å åpne med 1 kløver. Etter pass frå makker blei nord slem-kåt, og druste til med 4 kløver som var Gerber. Syd meldte korrekt 4 ruter, 0 ess. Nord synest då det var fint å parkere i 5 ruter!!!!! Då fann eg det for godt å doble i Øst, dum som eg var. Syd fann det då for godt å introdusere hjerterfargen sin på 5-trinnet. Pass, pass til meg. F… tenkte eg, når eg var så dum at eg dobla 5 ruter, så får eg jammen doble 5 hjerter også. Når røyken hadde lagt seg, og vi ikkje hadde funne beitevarianten som ikkje eksisterte, så kunne motparten notere 850 inn. Dette kosta oss ca 130 poeng. I ettertid er eg glad for at han ikkje spelte på overstikket!!!

7 runder igjen, no måtte vel elendigheita være over for denne gong, tenkte eg. Men nei da! Vi kava oss vidare med friskt mot. Makker hadde merkelig nok fortsatt tillit til meg, og plasserte meg i 4 spar i øst på dette spelet.:

Av 10 bord så var det 6 bord som hadde meldt og vunne 4 spar. Eg endte på åtte stikk. Syd spelte ut kløver dame. Eg la liten frå bordet første gangen, og dekte knekten med kongen. Nok ei runde kløver frå syd. Eg var inne på tia på handa, og fortsatte med spar 10. Syd stakk uten å nøle, og fortsatte med ruter 8. Normalt vil dette stå på ruterkutten. Eg lot den gå til kongen, for å prøve å finne ut litt meir om fordelinga. Etter å ha tatt ut trumfen, spelt tre runder hjerter, og tatt for siste trumfen, så var eg rimelig sikker på at syd hadde 4 korts ruter. Sjølv om eg hadde på følelsen at nord kunne ha dama dobbel, så tok eg ruterkutten. Sidan eg hadde tatt ei æresrunde i trumf for å prøve å finne ut av fordeling, gjorde dette at eg gikk ei ekstra beit. Dette kosta heldigvis kun ein plass. Det som imidlertid var toppen av kransekaka var at nord når spelet var over var så vennlig å informere meg om at kontrakta hadde stått viss eg hadde toppa ruteren. Eg burde vel sagt høflig at det var eg ikkje klar over. Det gjorde eg ikkje. Eg var litt uhøflig i mitt svar, men der og då så føltes det som om heile verden var imot meg.

Bortsett frå det eg har nemnt no vil eg for øvrig tilføye at vi hadde ein fin bridgekveld i Måløy BK, og at det nok ikkje blir siste gongen vi tek turen. Det dei har fått til der ute er imponerande både med tanke på rekruttering og gjennomføring av klubbkveldar. Sjå og lær.