Frå bridgespalta i Firda 24. mars 2000 – skrive av Dagfinn Lauritsen.

Lytt til meldingsforløpet

Ein viktig egenskap ved bridgebordet vil alltid vere at du er i stand til å bruke dei opplysningane som motpartens meldingar gjev deg. Dette gjeld ikkje berre når spelinga tek til, men like mykje når du og din makker skal avgjere dykkar eiga kontrakt, og kva for ei hand kontrakta eventuelt bør vere på.

Vi skal sjå på eit spel frå Førde bridgeklubb for nokre veker sidan der Arild Hoff – Jens Sagevik utnytta dette maksimalt og melde slem i ruter sjølv om ein hadde kun 19 poeng til saman.

	- E 5 4 2 E K D 7 5 3 10 9 8
E K 9 6 3 K kn 9 7 k K 5 2		D kn 10 7 D 10 6 3 6 4 kn 7 6
	8 5 4 2 8 10 9 8 6 E D 4 3

Vest åpna spelet i første hand med 1 spar. Nord dobla som viste firekorts motsatt major. No hoppa øst til 3 kløver som skulle vere solid trumfstøtte til åpningshanda, men elles ei begrensa hand. Syd dobla for å halde åpent, samtidig som doblinga benekta hjertertilpass. Vest melde 3 spar og Jens Sagevik i nord melde no 4 ruter. Syd kunne no sjå at nord var renons i spar og med singel hjerter melde syd 6 ruter direkte. Dette var ein svært god slem som ikkje baud på nemneverdige problem å spele. Alt motparten fekk var eit kløverstikk etter at speleførar tok dobbelfinessa i fargen.