Høyanger-turneringa 17.02.1979

Middels 513

Frå Firda 24.02.1979:

Høyanger Bridgeklubb avvikla si årlege parturnering sist laurdag med deltaking frå Skei, Førde, Balestrand og Høyanger. Turneringa vart sers spanande, og det vart skifte i teten i aller siste runde. Paret Skrede - Aaland frå arrangørklubben hadde hatt leiinga gjennom det meste av turneringa, men mot slutten kom syskenparet Svein Olai og Sam Høyland med stormskritt, og i siste runde kneip dei seg framom. Desse brørne er begge juniorspelarar, og bridgekrinsen har teke dei ut til å reresentere i ei regional juniorturnering i Bergen. Det vert spanande å sjå kva dei kan klare der.
Etter fire Høyangerpar fylgde Kåre Johnny Ness og Jan Gjertsen frå Angedalen Br.klubb på 5. plass. Førdepara Magne Skogstad/Sverre Vårdal og Ivar Lunde/Birgje Instefjord vart nr. 7 og 8.
Ellers vil arrangørklubben rette ei takk til dei næringsdrivande i Høyanger for at dei gav gåvepremiar eller tilskot til premiar.